عروسات الأحساء .. ساعدوني في فستان زواجي .. !

Admin المساهمات : 464 تاريخ التسجيل : 09/10/2010

مرحبا صبايا ..

كيف حالكم ؟ شلونكم ؟ عساكم بخير ؟ شلون عيالكم ؟ عساهم مسوي زين في مدارسهم << دخلي بالموضوع على طول خخخخ

صبايا انا عروسة جديدة ..

لسه زواجي بعد 3 شهور .. و انا توني بديت اشتغل حق كل شي .. احس ضااااايعة و فيني الصيحة

اولا ..

المشغل .. انا من سنة نوح و أنا اقول راح احجز في الفراشة .. بس اللحين في اقوال عن مشغل مريم العيد ..

وش تنصحوني .. الفراشة أو مريم العيد ؟؟

انا جربت شغل الفراشة اكثر من مرة و ملكتي في الفراشة .. بس مريم العيد ما ادري .. يمدحوووونه كثير بس انا شفت عروسة عند مريم العيد صراحة ترووووع

مدري .. يمكن هي تبي كذا .. مدري وش رايكم ؟

..................................

فستااااان الزوااااااج و هذا الاهم اللحين و اللي انا سادحته بعنوان الموضوع ..

انا بصراحة ما ابغى افصل فستان أو اشتريه بعدين يطيح في جبدي و اقعد ادور احد يشتريه و لا يأجره ..

ابغى فستان جااااهز أنا أأجره ..

ابغاه يكون فخم فخم فخم .. يكون أووف وايت و على ذهبي و كرستالات .. <<< طرارة و متشرطة ههههه

و كمان يكون الفستان جديد .. لبسه او مرتين .. مو مندق مليوووون مرة انلبس

يااااليت بنات تساعدوني اذا تعرفون وحدة عندها فستان بهالمواصفات ممكن نتفق أنا و هي

.................................

الأمر الثالث ..

المصوووووووورة يا بنااااااااات

أنا تعبت نفسيا من المصورات في الحسا ..

غريبة بنات الحسا فنانات و متفوقات على غيرهم في كل شي .. الا بالتصوير ..

لما اشوف صور البنات من استديوهات القطيف و الدمام تجيني نغزة و قسم ههههه

شي خياااااااااااااااااااااالي كأنهم عارضات أزياء ..

استديووو بنااااات عذاااااب .. بس ودك تنسدحين ع الصور ههههه

انا فكرت اجيبهم .. بس غالي سعرهم و كمان اخاف ينكبون فيني لانهم راح يجوون من منطقة خارج الحسا مدري وش تصير الظروف ..

ابغى استديو بالحسا .. شغلهم حلووو و يقارب مستوى بنات على الاقل و بسعر معقول ..

انا شفت مصورة في العمران .. حلووو شغلها و قريب من مستوى بنات .. مرررة نظيف شغلها .. كلمتها طيوووبة و تعاملها حلوووو

بس سمعت انها احترقت عليها صور ثلاث عروسات من قبل .. وحدة من هالعروسات انا اعرفها شخصيا .. اللحين متزوجة وحامل بس والله للحين قلبها معووورها على صور ملكتها اللي ضاعت .. للحين اذا شافت صور ملكتنا تتحسر و تغرغر عيونها ..

فأنا خفت كثييييير منها .. حسيت مو مضمونة ..

عاد لو تدفع تعويش ايش تدفع .. مافي شي يعوض عن لحظات العمر هذي ..

وش تنصحوني يا بنات في استوديوهات الحسا .. ؟؟

..................................................

الحناياااااااااااااااات ..

عاد الحسا موووووطن الحنايات هههههه

ابغى رقم حناية معروفة شغلها حلووو .. و اهم شي سريييييييعة ..

لأني وحدة ملووولة و ما احب الجلسة الطويلة ..

مرة حطيت حنا عند وحدة بالدمام اسمها ام سيف رهييييييييب حناها و ما شاء الله سرييييعة ما حسيت بالوقت الا قالت يللا خلاص ههههه

رووووعة و حليووووة و طيوبة .. بس عاد ما تجي الحسا خساااارة ..

اختي بزواجها حطت لها حناها .. وحدة من بني معن .. ما اقول لكم الحنا مرررة حلوووو .. بس الحناية بطيييييييييييييئة و العروس ماااااااااااتت من التعب ..

رايحة لها العصر ما خلصتها الا الفجر يوم ثاني .. العروس قامت تصييييح ما سوت عليها ..

..............................

هذا و اتمنى لكم الموفقية و التيسير في كل امور حياتكم ..

احبكم حيييل و راح انشب لكم كمان و كمان هههههه

لي تفتكوووون مني و اعرس بالسلامة ههههه

بس يمكن ارجع انشب لكم مرة ثانية لما اجي اجهز حق اول بيبي خخخخخ

<<< ماكو حيا بالمرة خخخخخ

يللا ارفوار يا حلوات ..

بانتظار ردودكم